Champhai District is a storehouse of ancient relics, monuments and memorials connected with legends and folklores, it has a background of rich heritage. The small hamlets around the town are dotted with monuments and monoliths that depict success in war, valorous hunting, personal distinctions and achievements.

We will show you some of the interesting place in Champhai :
 

RihDil
Rih Dil hi Champhai atanga Km 22 a hla, Myanmar ramchhunga awm a ni a, Rihdil hian mizote rilru ah hmun pawimawh tak a luah a, chu chu mitthi thlarau kalkawng ni a an ngaihna hi a ni. Rihdil hi Tawka (Heart sign) ang takin a awm a, a thlalak ringawt pawhin mi a hip hle. Rihdil hian chanchin angah hle a, tui luanchhuahna leh hnar mumal a nei lo hi a makna lai chu a ni. A zau zawng chu a dung km 1, a vang 70 metres lai a ni bawk. Rihdil hian thawnthu ngaihnawm tak tak a nei a, rihdil tlawh tur hian Champhai District, Deputy Commissioner Office-ah phalna la in engtik lai pawhin a tlawh theih a ni.
Fig: The famous Rih Dil (Lake)
   
Kungawrhi Puk
 

Champhai atanga lehlanga kal phak, khualzin mitena an tlawh fo chu Kungawrhi puk hi a ni. Kungawrhi puk hi farkawn ramchhunga awm a ni a, tlang pangah puk lian tak leh zau tak a ni. He puk hi kan pipu te chuan thlarau/lasi ho te kalkawng ni in an ngai a, he lai lei hnuaiah hian khua neiin hei hi an kalkawng ber niin an ring. He puk atang hian hmanlaiin Kungawrhi kha Ramhuai ho khan leihnuai khua ah an hnuk lut thin ni in an ngai a ni.

Fig: Kungawrhi Puk
   
Lianchhiari lunglentlang 
 

Lianchhiari lunglentlang hi dungtlang khawchungah a awm a,Lianchhiari lunglen tlang hi tlangchhip thlen hma deuh hleka lung tohlawt, khawhawina tura siam ni awmtak a ni a, hetah hian Lianchhiari chuan a bialpa Chawngfianga a thlir thin a ni. He tlang hian mizo thawnthu ah hmun pawimawh tak leh ngaihnawm tak a chang a ni.Lianchhiari lunglen tlang hi champhai atang Km 64 ah a awm, tlawhtu a ngah thei hle.

Fig:Lianchhiari Lunglen Tlang
   
Thasiama Seno Neihna 
Thasiama se no neihna hi tlangbawk sang tak, khawkrawk tak leh mihring tan pawh kal harsa khawp a ni a, Vaphai khawdaia awm a ni. He tlangbawk chhipah hian Thasiama sial (Mithun) hian no a nei a, sial chu sawi loh mihring tan pawh a kal harsa anih avangin mak tih a hlawh hle a, tlawhtu pawh a ngah thei hle a ni. Thawnthu a alan dan chuan hetianga mihring pawh kal theih mang lohna hmuna sialin no a han neih theihna chhan chu Thasiama hi lasi (Fairy) nula Chawngtinleri nen an inzawl a, Chawngtinleri hian thasiama chu malsawmin seno tam tak neiturin mal a sawm a, chuvang chuan he sial pawh hi chawngtinlerin a hruai a ni an ti.
Fig:Thasiama seno neihna
  
Mangkhaia Lung

Lungphun danglam tak Mizo lal Mangkhaia phun a ni a, he lungah hian mak tak maiin mihring lem in tiat lo tak tak te ker a ni a,enge a entir tih chu hre chiah lo mahila ziak leh chhiar kan thiam hma hauh pawhin hma chu an lo sawn tawh viau a ni tih a ti lang bawk. A bulah hian thlan dang Mangkhaia lung ai te zawk engemaw zat a awm bawk. Tunah he lung hi Champhai Zotlangah hmuh theih humhalh mek a ni.

Fig:Mangkhaia lung  
Fiara Tui  
Mizo chanchin a thawnthu ngaihnawm tak nei Fiara tui hi Champhai atanga Km 65 Vaphai khaw daiah a awm a, he tui hi tan tlang pang lungpui kar atanga lo chhuak a ni.Fiara hi hmeithai fa a ni a, tuikhur tui an chan ve theih loh avangin a beidawng chuan tui a zawng ta chiam mai a, tichuan he tui lungpui kar atanga rawn chhuak hi hmufuhin uluk takin a chhin a, a nu nen chauh an chawi thin. Mahse a lo rei hnu chuan an khua te pawh chuan hre ve in an chawi pui ve ta a ni. A hmu chhuaktu Fiara hming chawiin tun thlengin Fiara tui an tih phah ta a ni.
Fig:Fiara tui
Sikpui Lung  
Sikpui lung hi sikpui kut an hman dawna khuangpute tan an an rem thin a ni a, he lungpui chungah hian kut an hman dawnin khuangputen lam hma hruaiin bul an rawn tan thin a ni anti. He sikpui kut hi hmar hnam hote kut a ni a,an chintanna hi hriat mai theih a ni tawh lo.heng hmar ho hian kumtin kut hi an hmang thin a, Shan hoin an rawn tihbuai hma chu he kut hi an hmang a ni. He lungah hian "HE LUNG HI HMANLAI HMAR HO SIKPUINA A NI.TIN, KEINI KUM 28.2.1918 AH HIAN KAN AWM TAN TA. JAHULA SAILO" tih a in ziak bawk.L.Keivom I.F.S ziah dan chuan heng hnam te hi tunthlengin an la awm a,a then Bishenpur, Manipurah, a then Senvon ah te an awm bawk.Heng thlan veilama lo lang te hi Saisu hnim an ni a, damdawi atan atangkai hle. Sikpui lung hi a history lakna tur a vang hle a, a tam zawk hi L.Keivom I.F.S retired lehkhabu ziak atang a hmuh te an ni.
Fig:Sikpui Lung
Lamsial Puk  
Lamsial puk hi farkawn khua, Champhai District ah a awm a, puk liantak niin he puk atang hian ruhro tam tak hai chhuah tawh a ni. He puk a ruhro te hi thilhlui chhinchhiahna a landan chuan lamsial khua te hi an thenawm khua te nen an indo vak mai a, chu indona ah chuan pasaltha tam tak an thi a, a then te phei chu he pukah hian a nung chunga phum an ni hial a sawi a ni bawk. He puk hi thlan ang mai an hman a lo nih avang hian leh lamah chuan a rapthlak hle a tih theih bawk.
Fig:Lamsial Puk
Mura Puk  
Mura puk hi Champhai Zote khawchungah a awm a, khawpuichhung atanga km 10 ah a awm a, he puk hi paruk lai a ni. He puk hi engtik lai atanga hman tan nge hriat chiah a ni lo a, thawnthu a an sawi dan chuan hmanlaiin mura lian tak mai mihring lak ching a awm a. in chungah fu in a meilam chuan kawmchar lam atangin a hawlh a, tichuan a chhunga awm te chu kawngka pui lamah an tlan chhuak thin a, chu chu mura chuan a lo la ta thin a ni. Mura laka inven nan chuan heng Mura puk te hi an lo siam phah ta a ni.
Fig:Mura Puk
GLIMSE OF CHAMPHAI
Population (2011 Census)
 

127,660

* The details of "East Lungdar and Biate", Champhai District which fall under Serchhip PCO also included.

Details

Range of Temp in Summer
 

15-30 C

Range of Temp in Winter
 

10-20 C

Principal Languages
 

Mizo and English

Area Pincode
 

796321

Vehicle Registration Code
 

MZ-04

Time zone
 

IST (GMT+5:30)

Telephone Area Code
 

03831

Area in 000' sq. km
 

3185.83

Clothing
 

Cotton, light woolen clothing.

Coordinates
 

2328'28"N & 9319'32"E.

 
 

This website belongs to Deputy Commissioner, Champhai District. Government of Mizoram. India
Disclaimer: NIC is not responsible for any inadvertent error that may have crept in the webpage being published on the net.